საგარეო საქმეთა მინისტრი მაია ფანჯიკიძე პირობას დებს, რომ უწყების თანამშრომლებს ვიწრო პარტიული ინტერესების გატარებას არავინ დაავალებს.

როგორც მან გრიგოლ ვაშაძესთან შეხვედრის შემდეგ ჟურნალისტებს განუცხადა, სწორედ ამიტომ წავიდა ის თავის დროზე სამინისტროდან.

„საჯარო მოხელეებს არ უნდა ეშინოდეთ, რომ სამსახურს დაკარგავენ. პირიქით, ისინი იქნებიან უკეთეს მდგომარეობაში, რადგან მათ არავინ დაავალებს ვიწრო პარტიული ინტერესების გატარებას. ყველას კომფორტული სამუშაო პირობები ექნება. მე ყოველთვის ვამბობდი - როდესაც ვიყავი ელჩი, თავი მიმაჩნდა საქართველოს და არა რომელიმე პარტიის ელჩად და სწორედ ამ წინააღმდეგობის გამო მომიწია სამი წლის წინ დიპლომატიური სამსახურის დატოვება", - განაცხადა ფანჯიკიძემ.

internet.ge