უმცირესობის წარმომადგენლის, დავით საყვარელიძის შეფასებით, ბაჩო ახალაიას დაკავება პოლიტიკური დევნა და ბიძინა ივანიშვილის პოლიტიკური დაკვეთაა.

ამის შესახებ  განცხადება საყვარელიძემ ჟურნალისტებთან საუბრისას გააკეთა.

მისი თქმით, ახალმა ხელისუფლებამ, ახალი სამართლებრივი ფორმა გამოიგონა, როდესაც მოწმის სტატუსით დაბარებული პირი დააკავეს.  

“როგორც ჩანს, მას ბრალი არ წაყენებია და ალბათ, ახლა ფიქრობენ, თუ როგორ შექმნან მისი ბრალეულობა სამართლებრივი თვალსაზრისით", - განაცხადა დავით საყვარელიძემ.

შეგახსენებთ, რომ სამართალდამცველებმა შს ყოფილი მინისტრი ბაჩო ახალაია, გაერთიანებული შტაბის უფროსი გიორგი კალანდაძე და მეოთხე ბრიგადის მეთაური ზურაბ შამათავა დააკავეს. მათ ბრალი სისხლის სამართლის კოდექსის 333-ე მუხლით, სამსახურეობრივი უფლებამოსილების გადამეტებაში ედებათ.

internet.ge