საგარეო საქმეთა მინისტრის მოადგილის ნინო კალანდაძის განცხადებით, არავისთვის დაფარული ფაქტი არ არის, რომ ოკუპირებულ ტერიტორიებზე ქართული კვალის წაშლისთვის ინტენსიური მუშაობა მიმდინარეობს.

ამის შესახებ განცხადება, კალანდაძემ დღეს გამართულ ტრადიციულ ბრიფინგზე გააკეთა.

მისი თქმით, საქართველოს საგარეო უწყება, ოკუპირებულ ტერიტორიებზე ქართული კულტურული ძეგლების დაცვაში საერთაშორისო ორგანიზაციების აქტიურ ჩართვას ითხოვს.

"კულტურული მემკვიდრეობის ძეგლების დაცვისა და ამაში საერთშორისო ორგანიზაციების უფრო აქტიურად ჩართვის საკითხი ერთ-ერთი იქნება, რომელიც ჟენევის მოლაპარაკებების ფარგლებში ძალიან მწვავედ დადგება", - განაცხადა კალანდაძემ.

Internet.ge