ლიტვის საგარეო საქმეთა სამინისტრომ რუსეთის სამხედრო გეგმები გააკრიტიკა.

საუბარია სამხედრო სწავლება „კავკაზ 2012“-ზე, რომლის ჩატარებასაც მოსკოვი უპრეცენდენტო მასშტაბებით გეგმავს. ლიტვის საგარეო საქმეტა მინისტრის თქმით, ეს წრთვნა რეგიონში სტაბილურობას ხელს არ შეუწყობს. ამის შესახებ აუდრონიუს აჟუბალისმა ბრიუსელში გააკეთა განცხადება, ნატო-რუსეთის საბჭოს ფარგლებში საგარეო საქმეთა მინისტრების შეხვედრისას. რუს კოლეგასთან სერგეი ლავროვთან საუბრისას, მან ასევე განაცხადა, რომ ლიტვა შეშფოთებულია მის სიახლოვეს - კალინინგრადში რუსეთის მზარდი სამხედრო პოტენციალის გამოც.

„რუსეთისა და ნატო-ს შორის თანამშრომლობის ერთობლივი პროექტები დადებითად მოქმედებს ურთიერთობების განვითარებაზე, თუმცა რჩება საკითხები, რომლებშიც რუსეთის უფრო მეტად მოანწილეობა და გამჭვირვალეობაა საჭირო“ - განაცხადა აჟუბალისმა და განმარტა, რომ ასეთი საკითხებია სწორედ სამხედრო წრთვნა „კავკაზ 2012“ და რუსეთის სამხედრო პოტენციალის ზრდა კალინინგრადში.

Internet.ge