საქართველოს პრეზიდენტის, მიხეილ სააკაშვილის შეფასებით, ბოლო წლების განმავლობაში, მსოფლიო მასშტაბით არც ერთ ქვეყანაზე არ დახარჯულა იმდენი ფული, რამდენიც ეს საქართველოს "გაშავებაზე" ხდება.

როგორც პრეზიდენტმა დღეს, კახეთში ყოფნისას განაცხადა, ყველაფერზე პასუხი ქვეყნის განვითარებაა. საქართველოში კი, ყველაფერი რაც კეთდება უმაღლესი კლასის უნდა იყოს, რადგან ქვეყანას არ აქვს იმის დრო და უფლება რაიმე საშუალოდ გააკეთოს.

მიხეილ სააკაშვილის განცხადებით, რუსი ჩინოვნიკების მოწოდებები, ქვეყანაში რუსი ტურისტების რაოდენობაზე არ მოქმედებს.

„რამდენჯერაც უნდა გამოვიდეს რუსეთის რომელიმე ჩინოვნიკი და იძახოს არ ჩახვიდეთ საქართველოშიო, ეს ტურისტების რაოდენობაზე არ მოქმედებს. თბილისში დღეს არც ერთი ნომერი არ არის ცარიელი და ყველგან რუსი ტურისტები არიან. ყოველი რუსი კი, რომელიც ქვეყნიდან წავა, მიაქვს საქართველოზე სიმართლე და შემდგომ უკვე ისტორიის გაყალბება ძნელი იქნება“,- განაცხადა პრეზიდენტმა.

internet.ge