საგამოფენო ცენტრ „ექსპო ჯორჯიაში“, სადაც ბიძინა ივანიშვილის პარტიის ყრილობა უნდა გაიმართოს, ბიზნესმენის პრესსიკერი მაია ფანჯიკიძე მივიდა, რომელმაც მედიის წარმომადგენლებთან პირველი კომენტარი გააკეთა.

ფანჯიკიძის განცხადებით, დღეს ქართული ოცნების ასრულება დაიწყება.

„ინტერნეტ.ჯი“-ს შეკითხვაზე, რა სტატუსი ექნება პარტიაში ივანიშვილს, მაია ფანჯიკიძემ განაცხადა, რომ ვინაიდან ბიზნესმენი ოფიციალურად არ არის საქართველოს მოქალაქე, ის ამ დრომდე კოალიცია „ქართული ოცნების“ ლიდერად რჩება.

ივანიშვილის პრესსიკერის თქმით, ივანიშვილის განცხადება, რომ 21 აპრილს ის პარტიას, როგორც საქართველოს მოქალაქე ისე დააფუძნებდა, ბიზნესმენი არ გულისხმობდა პასპორტს, ფანჯიკიძის თქმით,  ივანიშვილის განცხადებაში დღევანდელი დღე და მისი ასეულობით მხარდამჭერი იგულისხმებოდა.

ფანჯიკიძემ შეკითხვა, თუ ვინ იქნება პარტიის თავმჯდომარე უპასუხიად დატოვა და ჟურნალისტებს სთხოვა ყრილობის დაწყებას დაელოდონ, როდესაც ყველაფერი ცნობილი გახდება.

ამ დროისათვის საგამოფენო ცენტრ „ექსპო ჯორჯიაში“ დაახლოებით 150 კაცია შეკრებილი, სადაც  მალე პარტიის ყრილობა დაიწყება.

Internet.ge