ბიზნესმენმა ბიძინა ივანიშვილმა, პარტიის ყრილობაზე დამსწრე საზოგადოებას სიტყვით მიმართა. მან საზოგადოებას, პარტიის ამოცანები და პრიორიტეტები გააცნო.

როგორც ივანიშილმა განაცხადა, პარტია „ქართული ოცნება-დემოკრატიული საქართველოს“  ერთ-ერთი მიზანი არჩევნების გზით ხელისუფლების შეცვლაა.

ივანიშვილის შეფასებით, საქართველო დასავლეთისგან მიღებული დახმარების უპასუხისმგებლო მომხმარებლად იქცა.

კოალიცია „ქართული ოცნების“ ლიდერის განცხადებით, პარტია ქვეყნის

ევროპულ და ევროატლანტიკურ ინტეგრაციას მხარს უჭერს.

„ვპირდებით მოქალაქეებს, რომ ხელისუფლებაში მოსვლის შემდეგ დავაზღვევთ თითოეულ მათგანს, ყველას ექნება სადაზღვეო პაკეტი და ეს უფრო ფართო იქნება, ვიდრე მათ ხელისუფლება სთავაზობს. ასევე ომის შედეგად დევნილ მოქალაქეებზე ზრუნვა უნდა წარმოადგენდეს ხელისუფლების მთავარ მიზანს. უნდა მოხდეს ყველა მოქალაქისათვის გამოყოფილი რესურსების კოორდინაცია. ასევე აუცილებელია წახალისდეს საქველმოქმედო საქმიანობა“,- განაცხადა ივანიშვილმა.

Internet.ge