საპარლამენტო უმრავლესობის წევრის, კობა ხაბაზის შეფასებით, საქართველოში „რუსულ ოცნებებს“ ახდენა არ უწერია.

როგორც ბიძინა ივანიშვილის პარტიის - „ქართული ოცნება – დემოკრატიული საქართველო“ დაფუძნებასთან დაკავშირებით, „ინტერნეტ.ჯი“-ს მმართველი გუნდის წევრმა განუცხადა, „ნაციონალური მოძრაობის“ კონკურენტი ძალა ივანიშვილის გუნდი ვერ იქნება.

მისი თქმით, პარტია - „ქართული ოცნება – დემოკრატიული საქართველო“ იმ ოპოზიციური პარტიების კონკურენტი იქნება, რომელთაც ივანიშვილის პოლიტიკურ არენაზე გამოჩენის შემდეგ, 4-5 პროცენტიანი რეიტინგი დაკარგეს.

„ჩვენი რეინტინგი სტაბილურად მყარია, რადგან ქართველი მოსახლეობა იმ განვითარებას აფასებს, რომელიც ქვეყნაში მიმდინარეობს“, - დასძინა მან.

შეგახსენებთ, რომ საგამოფენო ცენტრ „ექსპო ჯორჯიაში“ პოლიტიკური პარტია „ქართული ოცნება-დეოკრატიული საქართველოს“ სადამფუძვნებლო ყრილობა გაიმართა, სადაც პარტიის დეკლარაცია მიიღეს,  პარტიის თავმჯდომარე, მანანა კობახიძე გამოცხადდა და პოლიტსაბჭოს წევრებად -  თამაზ აბდალიანი, რევაზ კიღურაძე, გუგული მაღრაძე, ირაკლი სესიაშვილი, გურამ ოდიშარია, გურამ აზმაიფარაშვილი, სოზარ სუბარი ელისო ჩაფიძე, ნოდარ ხადური და თედო ჯაფარიძე დასახელდნენ.

Internet.ge