საქართველოს პრეზიდენტმა მიხეილ სააკაშვილმა სეულში, სახელმწიფოს ლიდერებთან შეხვედრები გამართა.
პრეზიდენტი უკვე შეხვდა პირისპირ ამერიკის შეერთებული შატატების პრეზიდენტს ბარაკ ობამას, ასევე ფინეთის, თურქეთისა და ნორვეგიის პრემიერ-მინისტრებს.
გავრცელებული ინფორმაციით, მიხეილ სააკაშვილმა ასევე, შეხვედრები გამართა შვედეთისა და გერმანიის საგარეო საქმეთა მინისტრებთანაც.
შეგახსენებთ, რომ პრეზიდენტი ხვალ, ბირთვულ სამიტზე სიტყვით გამოვა. ბირთვული უსაფრთხოების სამიტზე, მთავარი განსახილველი საკითხი ბირთვული მასალების უსაფრთხოების უზრუნველყოფის მექანიზმები იქნება. სამიტის მონაწილეები ასევე იმსჯელებენ ირანის თემაზეც.
თეთრი სახლის ლიდერი ბარაკ ობამა უკვე გამოვიდა სიტყვით ჰანკუკის უნივერსიტეტში, სადაც საქართველო რადიაქტიული ნივთიერებების წინააღმდეგ მებრძოლ ქვეყნებს შორის დაასახელა.
სამიტს დაესწრებიან ავსტრალიის პრემიერი, აზერბაიჯანის პრეზიდენტი, ბელგიის პრემიერი, იორდანიის მეფე, კანადის პრემიერი, ჩინეთის პრეზიდენტი, ჩეხეთის პრემიერი, დანიის მთავრობის ხელმძღვანელი, უნგრეთის პრეზიდენტი, იტალიისა და იაპონიის პრემიერ-მინისტრები.
Internet.ge
