პოლიტიკური კოალიცია „ქართული ოცნების“ ლიდერმა ხალხმრავალი აქციის გამართვა დაანონსა. როგორც ბიძინა ივანიშვილის მიერ სოციალურ ქსელში გავრცელებულ განცხადებაშია ნათქვამი, აქცია 26-27 მაისს გაიმართება.

„პოლიტიკური კოალიცია „ქართული ოცნება“ იწყებს საარჩევნო კამპანიას და მართავს ხალხმრავალ აქციას 26-27 მაისს. კოალიციამ ღონისძიების ჩატარებასთან დაკავშირებით წერილობით მიმართა ბ. პაიჭაძის სახელობის ეროვნული სტადიონისა და მ. მესხის სახელობის სტადიონის ადმინისტრაციებსა და ქ.თბილისის მერიას. საბოლოო გადაწყვეტილებას ღონისძიების ადგილისა და დროის თაობაზე უახლოეს დღეებში გაცნობებთ“,- ნათქვამია სოციალურ ქსელით გავრცელებულ განცხადებაში.

Internet.ge