ახალი რეგლამენტის პროექტის მიხედვით, ქუთაისის ახალ პარლამენტში, დეპუტატებს გამოსვლა მხოლოდ ერთ ტრიბუნასთან მოუწევთ.   

პროექტში ნათქვამია, რომ პარლამენტის ადგილსამყოფელია ქალაქი ქუთაისი, პარლამენტის სასახლე და პარლამენტის ადგილსამყოფელის დროებით შეცვლა სხდომის ან სესიის მოწვევის მიზნით, დასაშვებია მხოლოდ საგანგებო და საომარი მდგომარეობის დროს. გადაწყვეტილებას კი, პარლამენტის ადგილსამყოფელის დროებითი შეცვლის შესახებ პლენარული სხდომების კვირაში პარლამენტის თავმჯდომარე იღებს, ხოლო რიგგარეშე სესიის ან რიგგარეშე სხდომის დროს – საქართველოს პრეზიდენტი.

ამას გარდა, პროექტში საუბარია დეპუტატთა ჩაცმულობაზეც და ნათქვამია, რომ პარლამენტის პლენარულ სხდომათა დარბაზში მყოფ პირთა ჩაცმულობა საპროტოკოლო-საქმიანი უნდა იყოს.

ახალი რეგლამენტი 321 მუხლისგან შედგება და მისი განხილვა, მომავალ სასესიო კვირას დაიწყება.

Internet.ge