"ახალი მემარჯვენეების" ლიდერი დავით
გამყრელიძე ლიტვის პრემიერ - მინისტრს
ანდრიუს კუბილიუსს შეხვდა.
პარტიის
პრეს-სამსახურის ცნობით, გამომდინარე
იქიდან, რომ მომავალ წელს
ლიტვა იქნება ევროკავშირის თავმჯდომარე ქვეყანა, შეხვედრაზე
საუბარი შეეხო ევროკავშირთან საქართველოს დაახლოების
საკითხებს, ევროკავშირის ქვეყნებთან თავისუფალი ვაჭრობის და გამარტივებული
სავიზო რეჟიმის შემოღების პერსპექტივებს.
ამასთან,
ლიტვის პრემიერ-მინისტრმა და
"ახალი მემარჯვენეების" თავმჯდომარემ ისაუბრეს საქართველოში მოახლოებულ საპარამენტო არჩევნებზე და იმაზე, თუ რა გავლენას იქონიებს მომავალი არჩევნების თავისუფალ და სამართლიან გარემოში ჩატარება ქვეყნის შანსზე, გახდეს ნატოს წევრი
და დაუახლოვდეს ევროკავშირს.
შეხვედრაზე საუბარი
შეეხო, ასევე, საარჩევნო
სიების დაზუსტების სახელმწიფო კომისიის საქმიანობას. დავით
გამყრელიძე ლიტვის პრემიერ - მინისტრს
ესაუბრა ამ
კომისიის შექმნის ისტორიაზე, სიების "კარდაკარ" პრინციპით
გადამოწმების პროცესზე, რომელიც ამჟამად მიმდინარეობს
ქვეყანაში.
დავით გამყრელიძე ლიტვის პრემიერ-მინისტრს
ესაუბრა საქართველოში
არჩევნების გზით ხელისუფლების შეცვლის პერსპექტივაზეც.
Internet.ge
