ევროკავშირის წევრის სახელმწიფოს მოქალაქის არჩევნებში მონაწილეობასთან დაკავშირებით, საქართველოს კონსტიტუციაში დროებითი სამწლიანი ნორმა ჩაიწერება.

როგორც იურიდიულ საკითხთა საპარლამენტო კომიტეტის თავმჯდომარემ,  პავლე კუბლაშვილმა საკონსტიტუციო ცვლილებების პროექტის საყოველთაო-სახალხო განხილვის კომისიის სხდომაზე განაცხადა, კონსტუტუციის გარდამავალ დებულებაში ჩაიწერება, რომ ევროკაშირის წევრი ქვეყნის მოქალაქეს უფლება ექნება პარლამენტში კენჭი იყაროს ან არჩეულ იქნას რომელიმე თანამდებობაზე.

„ამ ინიციატივით, მითქმა-მოთქმასა და სპეკულაციებს იმის შესახებ, რომ ვიღაცას პოლიტიკურ პროცესებში  მონაწილების უფლება არ ეძლევა, ერთხელ და სამუდამოდ წერტილი დაესმება“, – დასაძინა დეპუტატმა.

კუბლაშვილის ინფორმაციით, საკონსტიტუციო ცვლილებებზე მომუშავე კომისიამ მუშაობა უკვე დაასრულა და განხილვების პროცესი დღეიდან საპარლამენტო კომიტეტებისა და პლენარული სხდომების ფორმატში გაგრძელდება. ხოლო, ხვალ, საკითხზე მსჯელობა პლენარულ სხდომაზე გაიმართება.  

შეგახსენებთ, რომ საკონსტიტუციო ცვლილებების თანახმად, კონსტიტუციის 49–ე მუხლში ცვლილებები უნდა შევიდეს, რომლის თანახმად,  პარლამენტის წევრად შეიძლება აირჩეს – საარჩევნო უფლების მქონე საქართველოს მოქალაქე, 21 წლის ასაკიდან,აგრეთვე 21 წელს მიღწეული პირი, რომელიც დაბადებულია და ბოლო ათი წლის განმავლობაში ცხოვრობს საქართველოში და აქვს ევროკავშირის წევრისახელმწიფოს მოქალაქეობა.

Internet.ge