დღეს, 40 წლის განმავლობაში პირველად, სირიაში  პარლამენტის დემოკრატიული არჩევნები ტარდება. პარლამენტში 250 ადგილისათვის 10 პარტია იბრძოლებს. ამჟამად მმართველი პარტია არის „ბაასი“.

თუმცა, მოსახლეობა სირიის არჩევნებს „ძალადობის გაფართოებას“ უწოდებს.

ძალადობა მთელი ქვეყნის მასშტაბით ვრცელდება - „ჩრდილოეთ პროვინციაში მუდმივად არის სროლები მეამბოხეებსა და ჯარისკაცებს შორის. აღმოსავლეთ პროვინციაში კი, გამთენიისას სამი დისიდენტი დაიღუპა ჯარისკაცებთან შეტაკებისას.“- აცხადებს მოსახლეობა.

 „ყველაფერი ეს არის თეარტალური შოუ. კანდიდატები არიან ბიზნესმენები და ადამიანები პაიკებად გამოყავთ. “- განაცხადა “როიტერთან” საუბრისას ანონიმურმა წყარომ.

„დღეს, სირიაში საპარლამენტო არჩევნებია და ჩვენ ვეტყვით ბაშარ ალ-ასადს, რომ არ არსებობს ადამიანი, რომელიც მას ხმას მისცემს. თქვენ მოკალით უამრავი ადამიანი, ქალი და ბავშვი, ჩვენ ვშიმშილობთ…არ აქვს მნიშვნელობა ვინ გაიმარჯვებს. ეს არის გაყალბებული არჩევნები.“ -ამბობს სირიის მოსახლეობა.

სირიაში ძალადობა ერთ წელზე მეტია გრძელდება და დაღუპულთა რაოდენობამ 11000 ადამიანს გადააჭარბა.

დღევანდელი არჩევნები მიზნად ისახავს, ერთპიროვნული მმართველობა მრავალპარტიულობით შეიცვალოს.

Internet.ge