გიორგი გუგავას მტკიცებით, საქართველოს ექს-პრეზიდენტმა ედურად შევარდნაძემ, საბჭოთა კავშირიდან მოპარული თანხა ბიძინა ივანიშვილის ბიზნესში დააბანდა. ეს განცხადება „ლეიბორისტული პარტიის“ ერთ-ერთმა ლიდერმა iTV-ში სტუმრობისას, გადაცემა „კითხვის ნიშანში“ გააკეთა.

მისი თქმით, სწორედ ბიზნეს ინტერესებიდან გამომდინარე საუბრობს შევარდნაძე ივანიშვილის ხელისუფლებაში მოსვლის აუცილებლობაზე.

„ეს ადამიანი, რომლის კისერზეა სამოქალაქო ომი და ათასობით უდანაშაულო ადამიანის სისხლი, თითქმის ყოველ კვირა გვმოძღვრავს, რომ თურმე ქვეყნის გადასარჩენად ივანიშვილის ხელისუფლებაში მოსვლაა აუცილებელი. შევარდნაძეს ქვეყნის ინტერესები არ აღელვებს, მის ინტერესებში შედის საბჭოთა კავშირიდან მოპარული თანხები, რომელიც კვალის ასარევად ივანიშვილის ბიზნესში დააბანდა. ეს ფული დღმდე მოძრაობს შევარდნაძე-ივანიშვილის ობშიაკში“,- განაცხადა გიორგი გუგავამ.

Internet.ge