მმართველი გუნდის წევრი, კობა ხაბაზი პარლამენტის ბოიკოტის რეჟიმთან დაკავშირებით, „ლეიბორისტების“ მიერ დამკვიდრებული პრაქტიკის შეცვლას ითხოვს.

როგორც პარლამენტის დღევანდელ პლენარულ სხდომაზე, ახალი რეგლამენტის პროექტის განხილვისას, ხაბაზმა განაცხადა, ახალ რეგლამენტში ისეთი ნორმა უნდა ჩაიწეროს, რომელიც დეპუტატებს მუდმივი ბოიკოტირების საშუალებას არ მისცემს.

ხაბაზს საპროცედურო საკითხთა და წესების კომიტეტის თავმჯდომარე ხათუნა გოგორიშვილი გამოეხმაურა და განაცხადა, რომ დეპუტატებს ყველა ქვეყნის პარლამენტში  ბოიკოტის გამოცხადების საშუალებას აქვთ.

მისი თქმით, ამ ნორმის შესახებ მსჯელობა გაგრძელდება.

„მართალი გითხრათ, ბოიკოტის მუდმივ რეჟიმში გადაყვანა, არც ერთი ქვეყნის დეპუტატებს თავში არ მოსვლიათ. სხვა ქვეყნებში პარლამენტის წევრი, წერილში მიუთითებს, რომელ საკითხს, რომელ დღეს უცხადებს ბოიკოტს. ისეთი ნორმის შემოღება შეიძლება, რომელშიც ბოიკოტის მიზეზის დაკონკრეტება აუცილებელი იქნება“, – აცხადებს კანონმდებელი.

Internet.ge