ბორის ბერეზოვსკიმ „თვალთმაქცობის დემონსტრირება უწოდა“ ევროპელი ლიდერების ბოიკოტს ევრო-2012-ისადმი და14 ევროპელი პრეზიდენტის უარს, იალტის სამიტზე ჩასვლასთან დაკავშირებით. 

„რატომღაც, ბანდიტ იანუკოვიჩს უფრო მკაცრად ელაპარაკებიან, ბანდიტ პუტინს კი პირზე კოცნით ხვდებიან,“ - აღშფოთებულია ოლიგარქი.

ბიზნესმენმა ინტერვიუ მისცა საიტ „გლავკომს“ და განაცხადა: „ეს უკრაინის იზოლაციის დასტურია. მაგრამ, ასევე, დასტურია კიდევ ერთი ფაქტისა. უკრაინასთან, რომელსაც არ აქვს საკუთარი ნავთობი და გაზი, შეუძლიათ ასე ლაპარაკი. პუტინთან კი, რომელიც ნომერ პირველი ბანდიტია, - ბანდიტთა შორის ბანდიტი, - არა. თუმცა, იანუკოვიჩი, პუტინთან შედარებით, ანგელოზია. ეს დასავლეთის თვალთმაქცობის უმაღლესი გამოვლიდებაა,“ - განაცხადა ბერეზოვსკიმ.

მისი აზრით, „იანუკოვიჩიც ბანდიტია, მაგრამ გაუგებარია, რატომ ელაპარაკებიან ერთ ბანდიტს მკაცრად, მეორეს კი - ლოიალურად.“

ბიზნესმენი ასევე თვლის, რომ როგორც კი ტიმოშენკო ციხიდან გავა, ის „უპირობო ლიდერი გახდება და თავის მეგობრებს გამარჯვებამდე მიიყვანს“.

ბერეზოვსკიმ საკუთარი აზრი გამოთქვა პატიმრობაში მყოფი უკრაინის ექს-პრემიერის ცემის ფაქტთან დაკავშირებითაც: „იუშენკოს მოწამვლა, და მე ამაში ერთი წუთითაც არ მეპარება ეჭვი, რუსული სპეცსამსახურების ნახელავია, „ფსბ“-ს სპეცოპერაციაა. რაც შეეხება ტიმოშენკოს, ეს არის უკრაინის უშიშროების საბჭოს სპეცოპერაცია“ - განაცხადა ბიზნესმენმა.

Internet.ge