გერმანიის კანცლერის პარტიამ ჩრდილოეთ რაინ-ვესტფალიის ლანდტაგის არჩევნებში მარცხი განიცადა. ქრისტიან-დემოკრატთა კავშირმა ამომრჩეველთა 26,3% მიიღო, რაც მისთვის ყველაზე ცუდი მაჩვენებელია მეორე მსოფლიო ომიდან მოყოლებული.

ამგვარად, ფედერალური მხარის მოსახლეობამ არ დაუჭირა მხარი კრიზისთან ბრძოლის მთავრობისეულ გეგმას. მათ თავიანთი იმედები სოციალ-დემოკრატებზე დაამყარეს.

სოციალ-დემოკრატიულმა პარტიამ ხმათა 39% მიიღო, ხოლო „მწვანეებმა“ – 11,3%. მათთან ერთად ლანდტაგში მოხვდნენ თავისუფალი-დემოკრატები, რომელთაც ამომრჩეველთა 8,6%-მა დაუჭირა მხარი. ეს პარტიები რაინ-ვესტფალიის მხარეში კოალიციურ მთავრობას ჩამოაყალიბებენ.

„მთელი ქვეყნის სოციალ-დემოკრატები ბედნიერები არიან ამ გამარჯვებით, - განაცხადა პარტიის ლიდერმა ჰანელორე კრაფტმა, - და ეს არის სიგნალი ბერლინისთვის, სიგნალი, რომელიც ჩვენ ასე ძალიან მოგვწონს.“

აღსანიშნავია, რომ ეს მხარე მოცულობით ჰოლანდიის ტოლია, ხოლო ეკონომიკური მაჩვენებლით - თურქეთს ეჯიბრება. შესაბამისად, გერმანელი ანალიტიკოსები ლანდტაგის არჩევნებს მომავალ წელს ჩასატარებელი ბუნდესტაგის არჩევნების რეპეტიციად განიხილავენ.

Internet.ge