რესპუბლიკელმა კონგრესმენმა რონ პოლმა განაცხადა, რომ წყვეტს „აქტიურ წინასაარჩევნო კამპანიას“. მისივე თქმით, იგი არ აპირებს აგიტაციის ჩატარებას იმ შტატებში, სადაც პრაიმერი ჯერ არ ჩატარებულა. ამასთანავე, 76 წლის პოლიტიკოსი არ აპირებს არჩევნებში მონაწილეობაზე უარის თქმას.

„ჩვენ აღარ დავხარჯავთ რესურსებს აგიტაციისთვის იმ შტატებში, რომლებშიც ჯერ წინასწარი კენჭისყრა არ ჩატარებულა. ამისთვის ჩვენ ათობით მილიონი დოლარი დაგვჭირდებოდა, რაც უბრალოდ არ გაგვაჩნია,“ - ციტირებს პოლის სიტყვებს ИТАР-ТАСС-ი.

ამჟამად, რონ პოლის კონკურენტი რესპუბლიკური პარტიიდან მასაჩუსეტსის შტატის გუბერნატორი მიტ რომნია, რომელიც ფაქტობრივად უკვე გამარჯვებულიცაა. რონ პოლი უკვე კარგა ხანია მას ვერ უწევს კონკურენციას, თუმცა აცხადებს, რომ მაინც აგრძელებს კამაპიაში მონაწილეობას, რათა მოახდინოს ლიბერტარიანული შეხედულებების პროპაგანდა.

ფორმალურად, რესპუბლიკური პარტია საბოლოო კანდიდატს აგვისტოს ბოლოს წარადგენს. საპრეზიდენტო არჩევნები კი 2012 წლის 6 ნოემბერს ჩატარდება.

Internet.ge