საქართველოს მთავრობა „საქართველოს რკინიგზის“ აქციების გაყიდვას ადასტურებს. ამის შესახებ „ინტერნეტ.ჯი“-ს საქართველოს პრემიერ-მინისტრის ნიკა გილაურის პრეს-სამსახურის უფროსმა ვატო ლეჟავამ განუცხადა.

მისი თქმით, მთავრობა აქციების მხიოლოდ 25 % - ის გაყიდვას აპირებს.

„ვადასტურებ, რომ საქართველოს რკინიგზის აქციები ლონდონის საფონდო ბირჟაზე გაიყიდება. ამ ეტაპზე მიმდინარეობს შესაძლო ინვესტორებთან მოლაპარაკებები და ამ ბიზნესის გაცნობა“,- განაცხადა ლეჟავამ.

კითხვაზე, თუ რამდენად მისაღებია რუსეთის ფაქტორის გათვალსწინებით, „საქართველოს რკინიგზის“ აქციების გაყიდვა, ლეჟავა ამბობს, რომ მთავრობა ყველა დეტალზე თათბირობს და ქვეყნისთვის საზიანო გადაწყვეტილება არ იქნება მიღებული.

Internet.ge