ჩიკაგოში მიმდინარე ნატოს სამიტზე, ქართული მხარე
ოფიცალურ შეხვედრებში მიიღებს მონაწილეობას. ამის შესახებ, საგარეო საქმეთა
სამინისტროში გამართულ ბრიფინგზე მინისტრის მოადგილე ნიკოლოზ ვაშაკიძემ განაცხადა.
მისი თქმით, ქართული დელეგაცია 3 მნიშვნელოვან შეხვედრას დაესწრება.
„ნატოს სამიტის ფარგლებში საქართველოსთვის მნიშვნელოვანი შეხვედრები
გაიმართება ძირითად პარტნიორებთან, ასპირანტ ქვეყნებთან და ავღანეთის სამშვიდობო
ოპერაციაში მონაწილე სახელმწიფოებთან. რაც კიდევ ერთხელ ხაზს უსვამს ნატოსა და
საქართველოს შორის არსებულ განსაკუთრებულ ურთიერთობას და ადასტურებს ალიანსის
მტკიცე მხარდაჭერას საქართველოს ევროატლანტიკური ინტეგრაციისადმი“,- განმარტა
ნიკოლოზ ვაშაკიძემ.
internet.ge
