პრემიერ-მინისტრმა ნიკა გილაურმა, ჩიკაგოში გამართულ ნატოს სამიტთან დაკავშირებით კომენტარი გააკეთა და შედეგები შეაჯამა.

როგორც პრემიერმა დღეს, გამართულ მთავრობის სხდომაზე განაცხადა, საქართველომ ნატოს სამიტის ფარგლებში სამივე შეხვედრაში მიიღო მონაწილეობა რაც ძალიან მნიშვნელოვანია.

გილაურის თქმით, საქართველოს მიერ ნატოში ინტეგრაციის გზაზე ერთ-ერთი უმნიშვნელოვანესი ნაბიჯი გადაიდგა.

"ჩემი აზრით, ეს იყო ერთ-ერთი უმნიშვნელოვანესი ნაბჯი საქართველოს მიერ გადაგმული. მნიშვნელოვანია, რომ საქართველო სამ ბალკანურ ქვეყანასთან ერთად ასპირანტი ქვეყანა გახდა და სამიტის ფარგლებში სამივე შეხვედრაში მიიღო მონაწილეობა. ასევე, მნიშვნელოვანი იყო აშშ-ის სახელმწიფო მდივნის განცხადება, სადაც მან აღნიშნა, რომ სამომავლოდ, ნატოს წევრების რაოდენობა გაიზრდება და აქცენტი ასპირანტ წევრებზე გაკეთდება, რომელთა შორის ერთ-ერთი საქართველოა“, - განაცხადა გილაურმა.

Internet.ge