აშშ–ის სახელმწიფო დეპარტამენტის ადამიანის უფლებათა დაცვის მიერ გამოქვეყნებულ ყოველწლიური ანგარიშში საუბარია აფხაზეთისა და სამხრეთ ოსეთზე.

ანგარიშში ნათქვამია, რომ რეგიონებში რუსი მესაზღვრეები ზღუდავდნენ ადგილობრივი მოსახლეობის გადაადგილებას.

ასევე, დე–ფაქტო მთავრობები განაგრძობენ უმთავრესად ეთნიკური ქართველების უფლებების შეზღუდვას არჩევნებში ხმის მიცემისას, პოლიტიკურ პროცესებში მონაწილეობისას, აგრეთვე საკუთრების, ბიზნესის რეგისტრაციისა და გადაადგილების უფლებების შეზღუდვის კუთხით.

„საანგარიშო პერიოდის განმავლობაში, აფხაზეთისა და სამხრეთი ოსეთის სეპარატისტული რეგიონების დე–ფაქტო  მთავრობებზე კვლავ არ ვრცელდებოდა ცენტრალური მთავრობის კონტროლი. სეპარატისტული მთავრობები კვლავ სარგებლობდნენ რამდენიმე ათასი რუსი ჯარისკაცისა და მესაზღვრის მხარდაჭერით, რომელსაც ეს რეგიონები რუსეთისა და საქართველოს 2008 წლის შეიარაღებული კონფლიქტის შემდეგ ოკუპირებული აქვთ. აფხაზეთსა და სამხრეთ ოსეთში ძალაში რჩებოდა ცეცხლის შეწყვეტის შეთანხმება, თუმცა ძალადობის შემთხვევები ორივე რეგიონში ხდებოდა. რუსი მესაზღვრეები ზღუდავდნენ ადგილობრივი მოსახლეობის გადაადგილებას“,- ნათქვამია ანგარიშში.

აშშ- ინფორმაციით, საერთაშორისო ორგანიზაციებს აკრძალული ჰქონდათ სამხრეთ ოსეთში შესვლა ჰუმანიტარული დახმარების აღმოსაჩენად.

„სამხრეთი ოსეთის დე–ფაქტო ხელისუფლებამ უარი განაცხადა ეთნიკური ქართველების უმრავლესობისათვის, რომელიც 2008 წლის კონფლიქტისას სახლებიდან გამოაძევეს, სამხრეთ ოსეთში დაბრუნების უფლება დაერთო. წითელი ჯვრის საერთაშორისო კომიტეტის გამოკლებით, საერთაშორისო ორგანიზაციებს აკრძალული ჰქონდათ სამხრეთ ოსეთში შესვლა ჰუმანიტარული დახმარების აღმოსაჩენად“,- ნათქვამია ანგარიშში.

internet.ge