რუსეთის საინფორმაციო საშუალებები  აქტიურად ადევნებენ თვალს საქართველოს დამოუკიდებლობის დღისადმი მიზღვნილ ღონისძიებებს და მათ შორის სამხედრო აღლუმს, რომელიც ქუთაისში ჩატარდება.

რუსული მედია განსაკუთრებით უსვამს ხაზს იმას, რომ  აღლუმში მონაწილეობას მიიღებენ „ნატოს ზოგიერთი ქვეყნის სამხედრო ორკესტრები“.

„სპეციალურად საქართველოს დამოუკიდებლობის დღესთან დაკავშირებით, ქვეყანაში ჩავიდა ნატოს 5 ქვეყნის სამხედრო ორკესტრი - პოლონეთიდან, ბალტიისპირეთის ქვეყნებიდან და უნგრეთიდან“ - წერენ რუსული გაზეთები.

მოსკოვი, ასევე ყურადღებით აკვირდება ქართულ სამამულო საბრძოლო ტექნიკას, რომელიც აღლუმზე იქნება გამოყვანილი.

„აღლუმის დროს, საქართველოს არმია პირველად მოახდენს ქართული წარმოების სამხედრო ტექნიკის დემონსტრირებას, ესენია - „დიდგორი“, „ლაზიკა“, უპილოტო თვითმფრინავები, “ ზალპური ცეცხლის რეაქტიული სისტემები“ - წერს „მიგ ნიუსი“.

Internet.ge