დიდი ბრიტანეთი უარს ამბობს რუსეთის სპეცსამსახურების პოტენციალის გამოყენებაზე. რუსეთის „ფსბ“-ს დირექტორმა ალექსანდრ ბორტნიკოვმა განაცხადა, რომ  ლონდონის ოლიმპიური თამაშების დროს რუსეთის დელეგაციის უსაფრთხოებას, ლონდონის მოთხოვნით, „ფსბ“ ვეღარ დაიცავს.

„ღრმა მწუხარებით იძულებული ვარ გაცნობოთ, რომ გამოგონილი საბაბით ინგლისურმა მხარემ რუსეთის „ფსბ“-ს უარი უთხრა, თავად დაიცვას რუსეთის დელეგაციისა და ოლიმპიური ნაკრების უსაფრთხოება“ - განაცხადა ბორტნიკოვმა. ის მიიჩნევს, რომ რუსეთის სპეცსამსახურების გარეშე ბრიტანულ მხარეს „გაუჭირდება სრულფასოვნად შეასრულოს სამუშაო რუსეთის დელეგაციისა და ოლიმპიური თამაშების სხვა მონაწილეთა უსაფრთხოების უზრუნველსაყოფად“.

ბორტნიკოვმა მრავალმნიშვნელოვნად განაცხადა, რომ „ინგლისურმა მხარემ დიდი პასუხისმგებლობა აიღო საკუთარ თავზე“, კერძოდ, ბორტნიკოვი „ოლიმპიური თამაშების, რუსეთის დელეგაციასა და მათ შორის, რუსეთიდან ჩასული სტუმრების  უსაფრთხოების უზრუნველყოფას“ გულისხმობდა.

Internet.ge