ოპოზიციონერი დეპუტატის, გია ცაგარეიშვილის შეფასებით, კონტროლის პალატა - სამხედრო ჟანდარმერიად გადაიქცა.
როგორც პარლამენტის დღევანდელ პლენარულ სხდომაზე “მოქალაქეთა პოლიტიკური გაერთიანებების შესახებ” კანონპროექტის განხილვისას, ცაგარეიშვილმა განაცხადა, პარლამენტმა კონტროლის პალატას უზარმაზარი უფლებამისილება მიანიჭა, რომელმაც პოლიტიკური პარტიების წინააღმდეგ ტერორი გააჩაღა.
მისი თქმით, კონტროლის პალატას ამოფარებული მთავარი პროკურატურის წარმომადგენლები, მოქალაქეების დაკითხვას აწარმოებდნენ და მათ შეურაცხყოფას აყენებდნენ.
“მოქალაქეთა პოლიტიკური გაერთიანებების შესახებ” კანონი, მაშინ დაიწერა, როდესაც პოლიტიკურ ასპარეზზე, ბიძინა ივანიშვილი გამოჩნდა და „ქართული ოცნება“ შეიქმნა. ეს კანონმდებლობა, თავიდან ბოლომდე ერთი პოლიტიკური გაერთიანებისა და ერთი ადამიანის წინააღმდეგ იყო მიმართული. ამ ძალის გააქტიურება, თქვენ ვერაფრით ვერ გადაიტანეთ. ამიტომ, უკუღმართი კანონი შექმენით”, - დასძინა მან.
Internet.ge
