მმართველი გუნდის წევრის, დავით დარჩიაშვილის ინფორმაციით,  უახლოეს მომავალში, ამერიკის ერთ-ერთი უმაღლესი წარმომადგენელი განცხადებას გააკეთებს, თუ რა დახმარებას გაუწევს აშშ საქართველოს თავდაცვისუნარიონობის განმტკიცების საქმეში.

როგორც დღევანდელ პლენარულ სხდომაზე, დარჩიაშვილმა განაცხადა, აშშ-ს სახელმწიფო მდივანს, ჰილარი კლინტონს საქართველოში არჩევნების ჩატარებისა და დემოკრატიული ინსტიტუტების გაძლიერების საკითხი გულწრფელად აინტერესებს.

მისი თქმით, ჰილარი კლინტონმა აღნიშნა, რომ საქართველო პოსტსაბჭოურ ქვეყნებში რეფორმების განხორციელებისა და ინვესტიციების მოზიდვის მხრივ მოწინავე ქვეყანაა.

დარჩიაშვილის შეფასებით, კლინტონის დღევანდელი ვიზიტი იმაზე მეტყველებს, რომ საშინაო პოლიტიკაში, როგორც უსაფრთხოების ინსტიტუტების მშენებლობის, ასევე ეკონომიკური განვითარების, სოციალური სფეროსა და დემოკრატიული განვითარების კუთხით, წარმატებები რომ არ ყოფილიყო, კლინტონის ვიზიტი არ იქნებოდა და ის ამ განცხადებებს არ გააკეთებდა.

„რა თქმა უნდა, მას გულრწფელად აინტერესებს არჩევნების ჩატარება და ის, რომ საქართველოში დემოკრატიული ინსტიტუტები ძლიერი იყოს. ასევე, სასამართლოს მიმართ ნდობა კიდევ უფრო გაიზარდოს“, – დასძინა კანონმდებელმა.

Internet.ge