სირიაში, ქალაქ ჰამას შემოგარენში, ასამდე ადამიანი სახელისუფლებო ჯარების მსხევრპლად იქცა.სოფლებში ალ-კუბეირსა და მაარზაფში მოკლულია 80 ადამიანი, მათ შორის 22 ბავშვი და 20 ქალი, რომლებიც აჩეხეს და შემდეგ დაწვეს - წერს „NewsRu“.უფლებადამცველთა მონაცემებით, საუბარია მინიმუმ 87 დაღუპულზე. სირიის ნაციონალურმა საბჭომ განცხადება გააკეთა, რომელშიც საუბარია, რომ პრეზიდენტი ბაშარ ასადი ახალ თავდასხმებს ამზადებს მანქანებში ჩამონტაჟებული ასაფეთქებელი მოწყობილობების გამოყენებით.„უპირველესი სამიზნე ამ თავდასხმებისა ქალები და ბავშვებია. ასეთი მეთოდით რეჟიმს სურს მოსახლეობა თავისი საცხოვრებელი ადგილებიდან აიყაროს და გაიქცეს“- ნათქვამია სირიის ნაციონალური საბჭოს განცხადებაში. საბჭომ უკვე მიმართა თხოვნით გაეროსა და არაბულ სახელმწიფოთა ლიგას, სასწრაფო ზომები მიიღოს ასადის რეჟიმის წინააღმდეგ, რომლსაც არ ესმის მის მიმართ არანაირი გაფრთხილება.„ცხადია, რომ რეჟიმი გამოიყენებს მსოფლიო დერჟავების მიერ მისთვის მიცემულ დროს, რათა ახალი მკვლელობები ჩაიდინოს“ - აღნიშნულია განცხადებაში.ბოლო თვის განმავლობაში, ეს უკვე მეორე მასობრივი მკვლელობის ფაქტია სირიაში. 2 კვირის წინ ანალოგიური სასაკლაო სოფელ ჰულაში მოაწყვეს.

 

Internet.ge