იუსტიციის მინისტრის მოადგილის,  დიმიტრი ძაგნიძის მტკიცებით, ლაზიკა  დაცულ ტერიტორიაზე არ შენდება.

როგორც პარლამენტის დღევანდელ რიგგარშე სხდომაზე, საკონსტიტუციო ცვლილებების განხილვისას, ძაგნიძემ განაცხადა, თუ მომავალში ქალაქის ურბანული განვითარება საჭირო გახდება, ბუნებრივია, მისი ტეროტორიის ზრდა  დღის წესრიგში დადგება.

„ამ შემთხვევაშიც კი, საერთაშორისო ინსტრუმენტები სხვადასხვა მანევრირების საშუალებას ითვალიწინებებს – ალტერნატიული საკომპენსაციო მიწების გამოყოფას. გადამფრენი ფრინველები ძირითადად პალიასტომის ტბასთან არიან. უშუალოდ ლაზიკის ტეროტორიაზე შედარებით ნაკლებია“, - დასძინა მან.

ძაგნიძის განცხადებით,  ლაზიკას კონკურენტულ გარემოში თავისი ადგილის დამკვიდრება მოუწევს.

„ლაზიკა საქართველოს ეკონომიკური განვითარების ერთ-ერთი საწინდარი გახდება. მას კარგი მდებარეობა აქვს, იმისთვის, რომ გადაზიდვების, სატრანსპორტო თვალსაზრისით ჰაბი გახდება. ლაზიკა მრეწველობის ახალი დარგების განვითარებას ხელს შეუწყობს. ამასთან, იქ საცხოვრებელი, გასართობი და კულტურული ობიექტები იქნება“, – დასძინა მან.

Internet.ge