მმართველი გუნდის წევრის, აკაკი მინაშვილის შეფასებით, საქართველო ტრეფიკინგს წარმატებით ებრძვის.

როგორც ჟურნალისტებს აშშ–ს სახელმწიფო დეპარტამენტის ანგარიშთან დაკავშირებით, მინაშვილმა განუცხადა, დეპარტამენტის მხრიდან რამდენიმე ჯგუფია დაკვალიფიცირებული და ამ ჯგუფებში, საქართველო ყველაზე წარმატებულ სახელმწიფოთა რიგშია, რომელიც ყველაზე კარგად  ტრეფიკინგს ებრძვის.

მისი ინფორმაციით, ამ ჯგუფში საქართველოსთან ერთად არიან – დანია, გერმანია და ესტონეთი.

„ზოგიერთი საინფორმაციო საშუალების მიერ აშშ–ს სახელმწიფო დეპარტამენტის ანგარიშზე არასწორი ანალიზია გაკეთებული.  ბუნებრივია, პრობლემის სრულად აღმოფხვრა ვერ ხდება, მაგრამ ძალიან მნიშვნელოვანია, რომ ტრეფიკინგის წინააღმდეგ ბრძოლაში საქართველომ თავის მოქმედებები გააუმჯობესა. შექმნილია ტრეფიკინგის მსხვერპლთა თავშესაფრები, რომელთა დაფინანსებაც საქართველომ გაზარდა, უკეთესი გარემოს შექმნის მიზნით. საქართველოს თავის აქტივობა ყველა მიმართულებით გაუმჯობესებული აქვს“, – დასძინა მან.

internet.ge