სააგენტო “როიტერმა”, კომპანია „გლობალ კონტაქტ კონსალტინგის“ მფლობელობაში არსებულ ანტენების  დაყადაღებასთან დაკავშირებით, სტატია გამოაქვეყნა.

როგორც სტატაიაშია ნათქვამი, საქართველოს პოლიციამ დააყადაღა თანამგზავრული ანტენები იმ ეჭვის საფუძველზე, რომ კომპანია ანტენებს არჩევნებში ბიძინა ივანიშვილის კოალიციის გამარჯვებისათვის არიგებს. ამ ფაქტმა კი, საპარლამენტო არჩევნების წინ დაძაბულობა გაამწვავა.

„პოლიციამ დააყადაღა „გლობალ კონტაქტ კონსალტინგის“, მილიარდერი ბიზნესმენის, ბიძინა ივანიშვილის ძმის კუთვნილი კომპანიის მიმღებები და დაიწყო გამოძიება მოსყიდვის ბრალდებით.პროკურატურის განცხადებით, ქმედება შეიძლება შეიცავდეს ამომრჩეველთა მოსყიდვის ნიშნებს, რაც შეიძლება დაისაჯოს, როგორც ჯარიმით, ასევე სამი წლით თავისუფლების აღკვეთით. ამ განცხადების შემდეგ პოლიცია მივიდა იმ საწყობში, სადაც კომპანია ინახავდა მიმღებებს.

ივანიშვილს კი, ამ საკითხზე კომენტარი არ გაუკეთებია. „ქართული ოცნება“ ადვოკატებთან მართავდა კონსულტაციას“,- ნათქვამია სტატიაში.

ავტორის თქმით, სტაბილურობა ამ რეგიონში სასიცოცხლოდ მნიშვნელოვანია დასავლეთის ქვეყნების მთავრობებისთვის, რადგან საქართველო მნიშვნელოვანი სატრანზიტო მარშრუტია ბუნებრივი აირისთვის, რომელიც კასპიის ზღვიდან მიდის ევროპისაკენ და შეამცირებს ევროპის დამოკიდებულებას რუსეთის ენერგომომარაგებაზე.

სტატაიაში საუბარი, ივანიშვილისთვის დაწესებულ ჯარიმასა და მოქალაქეობის მიღების საკითხსაც შეეხო.

„ივანიშვილმა უარი თქვა რუსულ პასპორტზე და განაცხადა, რომ უარს იტყვის ფრანგულზეც მას შემდეგ რაც ქართულ პასპორტს მიიღებს. ეს ნაბიჯი საშუალებას მისცემს მას შევიდეს პარლამენტში – პარლამენტმა მიიღო კანონი, რომელიც ევროკავშირის მოქალაქეს, რომელმაც 5 წელი იცხოვრა საქართველოში, შეუძლია არჩევნებში მონაწილეობა“,- წერს გამოცემა.

Internet.ge