კოალიცია „ქართული ოცნების“ წევრის თინა ხიდაშელის განცხადებით, 20 ივნისს ადვოკატებმა გაერო-ს ადამიანის უფლებათა კომისიაში, ბიძინა ივანიშვილისთვის საქართველოს მოქალაქეობის ჩამორთმევასა და ნატურალიზაციის გზით მოქალაქეობაზე უარის თქმასთან დაკავშირებით, საქართველოს ხელისუფლების წინააღმდეგ სარჩელი შეიტანეს.

ამის შესახებ განცხადება, კოალიციის წევრმა დღეს, გამართულ პრესკონფერენციაზე გააკეთა.

ხიდაშელის ინფორმაციით, 2-3 კვირაში გაერო-ს ადამიანის უფლებათა კომისია საქართველოს ხელისუფლებასთან კომუნიკაციას დაიწყებს.

"ხელისუფლება ცდილობს, სამართალწარმოების განხილვის ვადები მაქსიმალურად გაწელოს და ოქტომბრის ბოლომდე პასუხი არ გამოიტანოს, რათა ჩვენ საკითხის სტრასბურგში გასაჩივრება ვერ მოვასწროთ. ახლა ერთადერთი, რაც გაეროს დარჩა,  არის ის, რომ ხელისუფლებას ივანიშვილის მოქალაქეობის შესახებ პირდაპირ მიუთითოს, ჩვენი კი ამ საჩივრით ამის ინსტრუმენტი გავაჩინეთ“,- განაცხადა ხიდაშელმა.

Internet.ge