აშშ-ის ელჩმა ჯონ ბასმა დღეს გამართულ პრესკონფერენციაზე must cerry-სთან და must offer-თან დაკავშირებით ისაუბრა.

მისი განცხადებით, კანონპროექტის კონკრეტულ დეტალებზე ვერ ისაუბრებს, თუმცა ყველას უნდა ჰქონდეს თანაბარი შესაძლებლობა ინფორმაციის მისაღებად.

მისი თქმით, ყველა ღონე უნდა იყოს მიმართული ინფორმაციის ხელმისაწვდომობის გაზრდის ხელშეწყობისკენ.

შეგახსენებთ, რომ აღნიშნულთან დაკავშირებით, პარლამენტი დღეს კანონპროექტს განიხილავს, რომელიც საერთო მაუწყებლის ტრანზიტს ითვალისწინებს. 

ბასმა კომენტარი გააკეთა ოპოზიციური პოლიტიკური პარტიების ანგარიშების დაყადაღებასთან დაკავშირებითაც.

მისი თქმით, პარტიებმა საკუთარი შეხედულებების ამომრჩევლამდე მიტანა უნდა შეძლონ და ეს საკითხი უზრუნველყოფილი უნდა იყოს.

„ხედვების განსხვავების მიუხედავად პროცესები გრძელდება და ის ძალადობის გარეშე უნდა წარიმართოს“,- განაცხადა ბასმა.

მისი თქმით, ინფორმაციის ხელმისაწვდომობა ძალიან მნიშვნელვანია, რათა მოქალაქეებმა მოსაზრებების ფართო სპექტრი მიიღონ იმ საკითხზე, რასაც პარტიები საარჩევნოდ სთავაზობენ. 

internet.ge