NDI-ის სადამკვირვებლო მისია, პარლამენტსა და მთავრობას რამდენიმე რეკომენდაციით მიმართავს.

ამასთან დაკავშირებით დღეს, სადამკვირვებლო მისიის დელეგაციის წევრმა, პერ ეკლუნდიმ სპეციალური პრესკონფერენცია გამართა.

მისი განცხადებით, საარჩევნო პროცედურა, ისევე, როგორც  პარტიების დაფინანსების საკითხი გამჭირვალე უნდა იყოს.

პერ ეკლუნდის თქმით, ხელისუფლებამ უნდა გადახედოს და განიხილოს დამატებითი ცვლილებების შეტანის შესაძლებლობა და ამით უპასუხოს სამოქალაქო საზოგადოების წუხილს ნორმების თანაზომიერად აღსრულების თაობაზე.

„ჩვენი რეკომენდაციაა საარჩევნო კამპანიის პერიოდში მიღებულ გამოცდილებაზე დაყრდნობით, არჩევნების შემდეგ მოხდეს საარჩევნო კამპანიის და პარტიების დაფინანსების შესახებ კანონმდებლობის მრავალპარტიულ ფორმატში განხილვა.

ასევე მთავრობას, საარჩევნო კანონმდებლობის აღსრულებით ანგარიშვალდებულების გაზრდისკენ მოვუწოდებთ. რაც შეეხება კანონის აღმასრულებლებს, პროკურორებს და სასამართლოებს, მათ ზედმიწევნით უნდა შეასრულონ თავიანთი მოვალეობა, პასუხი აგებინონ საარჩევნო კანონმდებლობით ამომრჩევლის და კანდიდატების უფლებების დამრღვევ პირებს“,- განაცხადა ეკლუნდმა.

internet.ge