საქართველოს პრეზიდენტის მიხეილ სააკაშვილის განცხადებით, ხელისუფლებამ თავდაცვის ახალი აკადემიის შექმნა და კადეტთა კორპუსის ჩამოყალობება შეძლო.

როგორც სააკაშვილმა კადეტთა სამხედრო ლიცეუმში კურსდამთავრებულთა პირველ გამოსაშვებ ცერემონიაზე განაცხადა, საქართველოს შეიარაღებული ძალები არის ყველაზე ავტორიტეტული სტრუქტურა საქართველოში, რაც ნიშნავს რომ ხალხმა ჯარისკაცების თავგანწირვა დააფასა.

“ჩვენ გვაყავს დიდი არმია, მაგრამ ასევე გვეყოლება ასი ათასამდე რეზერვისტი, რომელიც მზად იქნება დაიცვან იარაღით ხელში ჩვენი ქვეყანა და ეს ქვეყნის მტერმა უნდა იცოდეს. ასევე ძალიან კარგი საინჟინრო ნაგებობები ავაგეთ და ამას ჩვენ ტელევიზიით არ ვამბობთ, არ ვტრაბახობთ, რადგან ეს არ არის ჩვენი ფუნქცია”,- განაცხადა სააკაშვილმა.

პრეზიდენტის თქმით, ძალიან აღიზიანებს ქვეყნის დამპყრობელს და მათ ფეხქვეშ გაგებულ უთავმოყვარეო ქართველებს იდეა, რომ ქუთაისი შეიძლება გახდეს მნიშვნელოვანი პოლიტიკური და სოციალური ცენტრი საქართველოსი.

“თბილისი არასდროს არ განვითარებულა ასეთი ტემპით და მე არასდროს არ მიამაყია თბილისელობით ისე როგორც დღეს, თუმცა ქუთაისელებმაც ასე უნდა იამაყონ ქუთაისით”,- განაცხადა სააკაშვილმა.

Internet.ge