პარლამენტის ჯანმრთელების საკითხთა და სოციალური დაცვის კომიტეტის თავმჯდომარის, ოთარ თოიძის შეფასებით, დასაქმების სახელმწიფო მინისტრის აპარატის  პირველი რიგის ამოცანა იმ სფეროების აღრიცხვა იქნება, სადაც დაუსაქმებელთა პროცენტული მაჩვენებელი მაღალია.

როგორც ჟურნალისტებს თოიძემ განუცხადა, სახელმწიფო მინისტრის აპარატი მოქალაქეებს პროფესიის გათვალისწინებით, სამსახურის მოძიებაში ხელს შეუწყობს.

„აპარატი ადამიანებს არა მხოლოდ პროფესიული უნარების მიხედვით, არამედ ზოგადად სამსახურის მოძიებაშიც დახმარება. არ ვიცი, შრომის ბირჟის სახეს მიიღებს თუ არა, მაგრამ პირველ რიგში, საჭიროა უმუშევართა აღრიცხვა. ასევე, ის პრობლემები უნდა აღირიცხოს, რომელიც ამ საკითხს უკავშირდება. საქართველოში ბევრი ადამიანია,  რომელსაც სხვადასხვა სპეციალობებში განათლება  მიღებული აქვს, მაგრამ მათი შესაბამისი პროფესიები ამდენი ხალხის დასაქმებას არ მოითხოვენ. ამიტომ, ასეთი ხალხი, სოციალურ დახმარებებსა და გარანტიებსაც საჭიროებს“, – დასძინა მან.

დეპუტატის მოსაზრებით, სამსახურიდან გათავისუფლებული ადამიანებისთვის სხვა სოციალური დაცვის გარანტიები უნდა შეიქმნას.

„აქამდე დასაქმების საკითხი კონკრეტულად არც ერთი სამინისტროს ფუნქციაში არ შედიოდა. დასაქმების საკითხს ადგილობრივი ხელისუფლება აგვარებდა და დასაქმების პროგრამები არსებობდა. თუმცა, მას ერთიანი სახელმწიფო პროგრამა არ აერთიანებდა, ამიტომ კამპანიური ხასიათი ჰქონდა. ზოგმა მათგანმა მიზანს მიაღწია, მაგრამ გრძელვადიანი არც ერთი არ იყო“, – განაცხადა კანონმდებელმა.

Internet.ge