საგარეო საქმეთა მინისტრის მოადგილე ნინო კალანდაძემ, რუსეთის საგარეო უწყების განცხადებაზე კომენტარი გააკეთა. რუსული მხარის თქმით,  27 ივნისს გალში დაგეგმილი ინციდენტების პრევენციისა და მათზე რეაგირების მექანიზმების შეხვედრა, ქართულმა მხარემ ჩაშალა.

ნინო კალანდაძის შეფასებით კი, ინციდენტების პრევენციისა და მათზე რეაგირების მექანიზმების შეხვედრების ჩაშლას რუსეთის ხელისუფლებამ მიზანმიმართულად შეუწყო ხელი და ეს აფხაზეთში მათი წარმომადგენლების მხრიდან გაკეთდა.

“ეს შეხვედრა ჩვენი ინფორმაციით, ბოლომდე დაგეგმილი არ იყო, ეს მხოლოდ საუბრის დონეზე განიხილებოდა. რაც შეეხება ჩაშლის რეალურ მიზეზს, რუსეთის ხელისუფლებამ აფხაზეთში მათი წარმომადგენლების მეშვეობით მიზანმიმართულად შეუწყო ხელი ამ შეხვედრების ჩაშლას”,- განაცხადა კალანდაძემ.

internet.ge