სომხეთის პოლიტიკურ არენაზე ახალი სახე გამოჩნდა - ვარდან სედრაკიანი, რომელიც 2013 წელს პრეზიდენტად კენჭისყრას აპირებს.

სედრაკიანმა უკვე პრესკონფერენციაც გამართა და რუსულ სააგენტო „რეგნუმს“ ინტერვიუც მისცა.

„როცა პრეზიდენტის თანამდებობას დავიკავებ, გამოვიყენებ კონსტიტუციით მონიჭებულ უფლებამოსილებას და ვაღიარებ არცახს (მთიან ყარაბაღს) და არცახის ომის დროს სომეხი ხალხის მიერ გათავისუფლებულ სომხურ ტერიტორიებს - როგორც სომხეთის განუყოფელ ნაწილს. მოვახდენ ორი ოლქის ფორმირებას - არცახის და პაიტაკარანის. ამის შემდეგ კი ვიფიქრებ ნახიჭევანზე და სამცხე-ჯავახეთზე“ - განაცხადა სედრაკიანმა.

მანვე დასძინა, რომ იმისათვის, რომ ღმერთის წინაშე სამართლიანი იყოს, უნდა აღიაროს სხვა ხალხების უფლებაც დამოუკიდებლობაზე:

„მე, როგორც სომხეთის პრეზიდენტი, ვაპირებ ვაღიარო აფხაზეთისა და სამხრეთ ოსეთის დამოუკიდებლობა“ - განაცხადა სედრაკიანმა.

internet.ge