ივანიშვილის პრესსპიკერმა მაია ფანჯიკიძემ დღეს გამართულ პრესკონფერენციაზე რამდენიმე ღონისძიება დააანონსა. მისი ინფორმაციით, ბიძინა ივანიშვილი და კოალიციის სხვა წევრები 14 ივლისს, ჩარგალში „ვაჟაობას“ დაესწრებიან, 15 ივლისს კი 19:00 სთ-ზე გორში, „ქართული ოცნების“ მორიგი აქცია ჩატარდება.

„აქცია კომბინატის დასახლებაში გაიმართება, სადაც ივანიშვილი შიდა ქართლის მაჟორიტარობის კანდიდატებს წარადგენს. ამას გარდა, მიმდინარე კვირაში კოალიციის ლიდერი მაჟორიტარობის დიდ ნაწილს თბილისში გამოაცხადებს,“ - განაცხადა ფანჯიკიძემ.

პრესსპიკერის თქმით, მაჟორიტარების დასახელებასთან დაკავშირებით, გამორიცხული არაფერია და სიაში ბევრი ახალი სახის ნახვაა შესაძლებელი.

internet.ge