NDI-ს კვლევის მიხედვით, კითხვაზე - ხვალ, რომ საპარლამენტო არჩევნები ტარდებოდეს, იმ გამოკითხული რესპონდენტებიდან, რომლებიც არჩევნებში მონაწილეობას მიიღებენ (75%),  ხმას 36% მმართველ გუნდს მისცემდა, ხოლო დანარჩენი პროცენტები ასე გადანაწილდა - 18% - კოალიცია „ქართულ ოცნებას“, 3% - „ქრისტიან-დემოკრატიულ მოძრაობას“, ხოლო  4%  არც ერთ პარტიას არ მისცემდა ხმას.

ამასთან, კვლევების თანახმად, 1% ხმას სხვა ოპოზიციას მისცემდა, რომელშიც მოიაზრება - „ლეიბორისტული პარტია“, „თავისუფალი საქართველო“,  „დემოკრატიული მოძრაობა ერთიანი საქართველო“, „ახალი მემარჯვენეები“, "ეროვნულ-დემოკრატიული პარტია", „ქართული დასი“, „თეთრები“, მოძრაობა "სამართლიანი საქართველოსთვის", "ევროპელი დემოკრატები" და „საქართველოს დემოკრატიული პარტია“.

აღსანიშნავია, რომ კითხვაზე პასუხი გამოკითხულთა 22%-მა არ იცის, ხოლო კითხვაზე პასუხის გაცემაზე უარს 16% ამბობს.

Internet.ge