პრემიერ-მინისტრმა ვანო მერაბიშვილმა დღეს, მთავრობის წევრებისგან, სტიქიის შედეგად დაზარალებულ რეგიონებში, მიმდინარე სალიკვიდაციო სამუშაოების შესახებ ინფორმაცია მოისმინა.

პრემიერმა მინისტრებსა და  რწმუნებულებს წყლის, დენისა და გაზის შესახებ დეტალური ინფორმაცია გამოჰკითხა.

მერაბიშვილის განცხადებით, დღეს სახურავების შეკეთება დაიწყება და მოსახლეობის სურსათით დაკმაყოფილება მოხდება.

„ყველა მობილიზებულია იმისათვის, რომ მოსახლეობას დახმარება გაუწიონ. ერთ საათში თბილისიდან ჩამოვა დასუფთავების სამსახურის დიდი ჯგუფი და ყველა ერთად ქალაქის მოწესრიგებას დავიწყებთ. ასევე, ჩვენ რამდენიმე საათში გავაკეთებთ სპეციალურ განცხადებას და კონკრეტულად დათვლილი კომპენსაციები გამოცხადდება“,- განაცხადა პრემიერმა.

მერაბიშვილის თქმით, ოპერტიული შტაბი მუშაობას აგრძელებს და მსგავსი შტაბები ყველა რეგიონში შეიქმნება.

Internet.ge