პრემიერ-მინისტრის ვანო მერაბიშვილის განცხადებით, კახეთში, გლეხებს სასოფლო-სამეურნეო სამუშაოებისთვის აღებული კრედიტები 1 წლით გადაუვადდებათ.

ამის შესახებ განცხადება, პრემიერმა დღეს, კახეთში გამართულ საგანგებო ბრიფინგზე გააკეთა.

ასევე ცნობილი გახდა, რომ დაგროვილ საპროცენტო თანხას სახელმწიფო დაფარავს.

“ჩვენ ასევე, ვაპირებთ ოჯახებს გადავცეთ სასურსათო პაკეტი. ვიცით, რომ ბევრი გლეხი დაზარალდა, რადგან ბევრ მათგანს აღებული აქვთ კრედიტები, ამიტომ გადავწყვიტეთ კრედიტები 1 წლით გადაუვადდეთ, ხოლო დარიცხული პროცენტის გადახდას მთავრობა საკუთარ თავზე იღებს“,- განაცხადა პრემიერმა.

მერაბიშვილის განცხადებით, ყველა გლეხს და დაზარალებულ მოსახლეობას შესაბამისი დახმარება გაეწევა.

 internet.ge