ფინანსთა მინისტრის დიმიტრი გვინდაძის განცხადებით, ჯანდაცვის სამინისტროს დაფინანსება 6 000 000 ლარით
იზრდება.
აღნიშნული
ცვლილება დღეს, გვინდაძემ მთავრობის სხდომაზე მინისტრთა კაბინეტს წარუდგინა.
მინისტრის
განმარტებით, გამოყოფილი თანხა სამუშაოს მაძიებელთა მონაცემთა ბაზის შექმნას მოხმარდება.
დღესვე
ცნობილი გახდა, რომ სტიქიის შედეგების ლიკვიდაციის ფონდისათვის 50 მილიონი ლარი გამოიყოფა და ეს თანხა
გადაუდებელ ღონისძიებებს მოხმარდება.
ასევე, კახეთის განვითარების პროგრამას 110 მილიონი ლარი დაეთმობა,
საიდანაც 20 მილიონი სტიქიის შედეგების ლიკვიდაციას მოხმარდება.
სარეზერვო ფონდი კი, 17 მილიონი ლარით განისაზღვრა და იმ შემთხვევაში
თუ რომელიმე რაიონს სტიქია კვლავ დაატყდება თავს, თანხები სწორედ ამ ფონდიდან
გამოიყოფა.
Internet.ge
