საპარლამენტო არჩევნების თარიღი კოალიცია „ქართული ოცნებისთვის“ მისაღები აღმოჩნდა. როგორც „ინტერნეტ.ჯი“-ს ბიძინა ივანიშვილის პრესსპიკერმა მაია ფანჯიკიძემ განუცხადა,  კოალიცია წინასაარჩევნო პროცესში დიდიხანია ჩართულია.

„ჩვენ ნებისმიერ თარიღზე თანახმა ვართ, ვიცით რომ გავიმარჯვებთ“,- აღნიშნა ფანჯიკიძემ.

საქართველოში არჩევნები 1-ელ ოქტომბერს გაიმართება. ამის შესახებ სპეციალური განცხადება პრეზიდენტის პრესსპიკერმა მანანა მანჯგალაძემ გააკეთა.

შეგახსენებთ, რომ საქართველოს კონსტიტუციის მიხედვით, საპარლამენტო არჩევნები 4 წელიწადში ერთხელ იმართება. 2008 წელს გამართულ არჩევნებში, ხმების უმრავლესობა „ნაციონალური მოძრაობამ“ მიიღო.

Internet.ge