“ქართული ოცნების” ერთ-ერთი ლიდერის სოზარ სუბარის განცხადებით, ქვეყანა ცვლილებებისთვის მზად არის და ის აუცილებლად განხორციელდება.

სუბარის თქმით, მთელი საქართველო და ყველა ღირსეული ქართველი “ქართული ოცნების” გვერდითაა.

“ბათუმს ამხელა მიტინგი არ ახსოვს. ეს კი ერთ-ერთი რიგითი შეხვედრაა მოსახლეობასთან და ეს გამორჩეულია იმით, რომ ზუსტად ვიცით რამდენი დღეა დარჩენილი არჩევნებამდე. ასეთი შეკრებები კი, არის საზოგადოების მობილიზების მცდელობა”,- განაცხადა სუბარმა.

ამ წუთებში ბათუმში "საოცრებათა მოედანზე" "ქართული ოცნების" მხარდამჭერები იკრიბებიან. საზოგადოებას სიტყვით კოალიციის ლიდერი ბიძინა ივანიშვილი მიმართავს.

Internet.ge