„იმ შემთხვევაში, თუ „ქართული ოცნება“ აქციას მერიის უარის მიუხედავად  ჟიული შარტავას მოედანზე მაინც გამართავს, იქ განვითარებულ ნებისმიერ მოვლენასა და შედეგზე პასუხისმგებლობა აქციის ორგანიზატორებმა უნდა აიღონ“ - ასე გამოეხმაურნენ ქალაქ რუსთავის მერიაში ზვიად ძიძიგური განცხადებას, რომლის მიხედვითაც, ოფიციალური უარის მიუხედავად „ქართული ოცნება“ 19 აგვისტოს აქცია შარტავს მოედანზე გამართავს.

„შარტავას მოედანზე დაგეგმილია სხვა სახის აქცია, ამიტომ კოალიციის თხოვნას ვერ დავაკმაყოფილებთ, რუსთავის მერია მათ ალტერნატიულ ფართს სთავაზობს, „ქართულ ოცნებას“ მეტალურგიული ქარხნის ადმინისტრაციული შენობის წინ არსებულ მოედანი შეუძლია გამოიყენოს“,- აცხადებენ „ინტერნეტ.ჯი“-სთან საუბრისას  მერის საზოგადოენასთან ურთიერთობის სამსახურის წარმომადგენლები.

შეგახსენებთ, რომ დღეს გამარტულ პრესკონფერენციაზე კოალიციის ერთ-ერთმა ლიდერმა ზვიად ძიძიგურმა განაცხადა, რომ „ქართული ოცნების“ რიგით მეშვიდე აქცია რუსთავში 19 აგვისტოს ჟიული შარტავას მოედანზე გაიმართება.

internet.ge