საქართველოს პრემიერ-მინისტრმა ვანო მერაბიშვილმა ფინანსთა სამინისტროში ახალი მინისტრი ალექსანდრე ხეთაგური ოფიციალურად წარადგინა.

პრემიერმა ხეთაგურს ენერგეტიკის სამინისტროში ჩატარებული რეფორმებისთვის და ენერგო დამოუკიდებლობის მოპოვებისთვის მადლობა გადაუხადა და ახალ თანამდებობაზე წარმატებები უსურვა.

„ქვეყანა, რომლის მთავარ პრობლემას უდენობა წარმოადგენდა ხეთაგურისა და გილაურის შრომის შედეგად პრობლემა სრულიად მოგვარდა. როცა იყო საშიშროება, რომ გაზის ფასი ათას კუბურ მეტრზე 600-700 დოლარი ყოფილიყო, მოხერხდა ისე, რომ არანავთობის მწარმოებელი ქვეყნებიდან ჩვენთან ყველაზე დაბალი ტარიფია“,- განაცხადა მერაბიშვილმა.

მისი თქმით, ყველაზე კარგი მიღწევა ენერგო უსაფრთხოებაა.

„მიუხედავად იმისა რომ ჩვენ ენერგო ბლოკადაში ვიმყოფებოდით, ვაწარმოებდით ფიზიკურ ომს, იმის მიუხედავად რომ ჩვენ წინააღმდეგ ძალიან ძლიერი მოწინააღმდეგე იბრძოდა, რომელიც ენერგომონოპოლიასაც ეწეოდა, საქართველოს არც მაშინ და არც ახლა შექმნია  ენერგო პრობლემა. დღეს საქართველოს მოქალაქეებს აქვთ უსაფრთხო დენი, მეწარმეებს სტაბილური გაზი,“- განაცხადა პრემიერ-მინისტრმა.

internet.ge