„ლეიბორისტული პარტია“ ხელისუფლებაში მოსვლის შემდეგ, განათლების სისტემაში ცვლილებებს შეიტანს.

ამის შესახებ, დღეს, გამართულ ბრიფინგზე პარტიის აღმასრულებელმა მდივანმა პაატა ჯიბლაძემ განაცხადა - „ლეიბორისტების“ ხელისუფლებაში მოსვლის შემდეგ საქართველოს კონსტიტუციის 35-ე მუხლის მე-3 პუნქტში ცვლილებები შევა. კერძოდ, 35-ე მუხლში ამდაგვარი ცვლილება შევა - „მოქალაქეებს უფლება აქვთ კანონით დადგენილი წესით, სახელმწიფოს სრული დაფინანსებით მიიღონ პროფესიული და უმაღლესი განათება“.

„ანუ სახელმწიფოს დაფინანსება შეიცვლება, სახელმწიფოს სრული დაფინანსებით“,- განმარტა პაატა ჯიბლაძემ.

მისივე განცხადებით, ერის მომავალი და გადარჩენა განათლებაზეა დამოკიდებული. ჯიბლაძის თქმით, აუცილებელია ყველა ახალგაზრდას შეეძლოს უფასოდ განათლების მიღება.

internet.ge