როგორც ჟურნალისტებს ალასანიამ განუცხადა, მისი ქმედებით, თავდაცვის უწყების დეპოლიტიზაციას ჩაუყრის საფუძველს. პირველი, რასაც ის გააკეთებს, არის შეიარაღებულ ძალებზე სამოქალაქო კონტროლის გაძლიერება და ფინანსური დისციპლინის დამყარება.

პრემიერ-მინისტრობის კანდიდატის განცხადებით, ყოველგვარი დაპირისპირება თავიდან უნდა იქნას აცილებული და ყველაფერი უნდა გაკეთდეს, რათა პოლიტიკური ნიშნით ვინმეს პასუხისმგებლობის საკითხი არ დადგეს.

“ქვეყანაში ჯერ კიდევ ჯიბის სასამართლოა და ჯერ კიდევ ის იღებ გადაწყვეტილელებს. თუმცა, ვინაიდან, ჩვენ სამართლიან საქართველოს ვაშენებთ ვიღებთ სასამართლოს გადაწყვეტილებას”,- განაცხადა ალასანიამ.

საქართველოს პრეზიდენტის მიხეილ სააკაშვილის განცხადებით, ახალი მოწვევის პარლამენტი არის სიმბოლო ახალი საქართველოსი, რომელიც ძველი პერიოდისგან რადიკალურად განსხვავდება.

საქართველოს პრეზიდენტი პარლამენტის პირველ სხდომაზე ინიციატივით გამოვიდა, რაც გუბერნატორების პირდაპირი წესით არჩევას გულისხმობს.

საქართველოს პრეზიდენტმა დღეს, გამართულ პარლამენტის პირველ სხდომაზე უმრავლესობასა და უმცირესობას რჩევები მისცა და მათ როლზე ისაუბრა.

ქვეყნის პირველი პირის თქმით, საქართველო ნელ-ნელა, მაგრამ აუცილებლად გახდება ნორმალური ევროპული დემოკრატიული ქვეყანა, რომელისთვისაც აუცილებლად გაიღება ევროკავშირის კარი.

“ვინც ადრე ოპოზიციაში იყო, დღეს ხელისუფლებაშია, როგორც ხედავთ, შესაძლოა ვინც დღეს ოპოზიციაშია ისევ ხელისუფლებაში მოვიდეს”,- დასძინა სააკაშვილ

შინაგან საქმეთა მინისტრობის კანდიდატის ირაკლი ღარიბაშვილის შეფასებით, დღევანდელი დღე ძალიან მნიშვნელოვანია, რადგან ხელისუფლების გადაბარების პროცესი დემოკრატიულად და ექსცესების გარეშე მიმდინარეობს.

ენერგეტიკის მინისტრობის კანდიდატის კახი კალაძის შეფასებით, დღევანდელი დღე ისტორიულია და მნიშვნელოვანია, რომ ეს ყველაფერი ქუთაისში ხდება.

როგორც ჟურნალისტებთან საუბრისას ბაქრაძემ განაცხადა, პარლამენტში უმრავლესობასა და უმცორესობას შორის მწავე დებატები და პოლიტიკური დაპირისპირებები იქნება.