თავდაცვის მინისტრობის კანდიდატის ირაკლი ალასანიას განცხადებით, დღევანდელი დღე საპარლამენტო ცხოვრებაში მნიშვნელოვანია, რადგან ქვეყნის განვითარებისათვის ახალი ეტაპი იწყება.

მერვე მოწვევის პარლამენტი საქმიანობას დღეს 13:00 საათზე, ოფიციალურად შეუდგება. ქუთაისის საკანონმდებლო ორგანოს ახალ შენობაში, ახლადარჩეული პარლამენტის პირველ სხდომას, პრეზიდენტი მიხეილ სააკაშვილი გახსნის და სპიკერის არჩევამდე, სხდომას უხუცესი დეპუტატი, 75 წლის ვანო კიღურაძე წარუძღვება.

საქართველოს პრეზიდენტს, პრემიერ-მინისტრობის კანდიდატმა მინისტრთა ახალი კაბინეტი და მთავრობის სამოქმედო გეგმა დღეს ოფიციალურად წარუდგინა, - აღნიშნულ ინფორმაციას პრეზიდენტის ადმინისტრაცია ავრცელებს.

სხდომაზე განხილულ იქნა კონფლიქტის გადაწყვეტასთან დაკავშირებული თემატიკა და ქვეყანაში კანონის უზენაესობის, დემოკრატიისა და მმართველობის, ადამიანის უფლებებისა და ძირითადი თავისუფლებების სფეროში არსებული მდგომარეობა.

"მზად ვარ მინისტრობის კანდიდატთან ერთად აღნიშნულ საკითხზე, დისკუსია გავმართო არასამთავრობო სექტორთან და მოვისმინო მათი შეხედულებები და წინადადებები", - აღნიშნულია ივანიშვილის განცხადებაში.

პირველი ფრაქცია იქნება "ერთიანი ნაციონალური მოძრაობა" და მას გოკა გაბაშვილი უხელმძღვანელებს, მეორე - "ნაციონალური მოძრაობა - რეგიონები" – მას აკაკი ბობოხიძე, ხოლო მესამე ფრაქციას - "ნაციონალური მოძრაობა - მაჟორიტარებს“ ტარიელ ლონდარიძე უხელმძღვანელებს- განაცხადა ბაქრაძემ.

საქართველოს ცენტრალური საარჩევნო კომისიის ინფორმაციით, მე–8 მოწვევის პარლამენტში კოალიცია "ქართულ ოცნებას" 85 მანდატი, "ერთიან ნაციონალურ მოძრაობას" კი - 65 მანდატი ექნება. საარჩევნო სუბიექტებისთვის მიცემულ ხმათა რაოდენობის მიხედვით ხმათა რაოდენობა ასე გადანაწილდა: "ქართული ოცნება“ – 54,97%, ხოლო "ნაციონალური მოძრაობა“ - 40,34%.

„ინტერნეტ.ჯი“–ს ინფორმაციით, ოპოზიციაში გადასულ „ნაციონალურ მოძრაობას“ ერთი ვიცე-სპიკერი ეყოლება და საპარლამენტო უმცირესობის ლიდერი ექს-სპიკერი დავით ბაქრაძე იქნება.

"საქართველოში ჩატარებული არჩევნებით, კიდევ ერთხელ დადასტურდა რომ ევროპული დღისწესრიგი ჩვენს ურთიერთობებში მთავარ ადგილას დგას. ხაზგასმით აღვნიშნეთ რომ საქართველო და ქართველი ხალხი მნიშვნელოვანია ჩვენთვის“,- განაცხადა სტეფან ფულემ.

უმაღლესმა საარჩევნო კომისიამ აჭარის უმაღლესი საბჭოს არჩევნების შემაჯამებელი ოქმი დაამტკიცა. არჩევნების შედეგების მიხედვით, სადეპუტატო მანდატები ორ პოლიტიკურ სუბიექტს შორის გადანაწილდა.

„მივესალმებით მათ ამ დამოკიდებულებას, ევროკავშირს იმედი აქვს, რომ ისინი კონსტრუქციულ თანამშრომლობას გააგრძელებენ. მოახერხებენ თუ არა ერთად მუშაობას ისინი, იმის მტკიცებულება იქნება, რამდენად წინ წავიდა საქართველო დემოკრატიის განვითარების გზაზე“ - განაცხადა ფულემ.